მეჩიტური ველოტური

“კავკასიის ველო ქსელისა” და Nature Conversation Georgia-ს ერთობლივმა გასვლამ დიდი ინტერესი გამოიწვია ველომოყვარულებში:

ველოსიპედებით, მხიარულად, ბევრი შესვენებითა და ამბების გაზიარებით, ტაბახმელას გავლით, კუმისის ტბასთან მივედით. ტურის განმავლობაში, კუმისის ტბის სანაპიროს სხვადასხვა მონაკვეთიდან დურბინდებისა და ტელესკოპის დახმარებით დავაკვირდით ფრინველებს და მათ იდენტიფიკაციაში Nature Conversation Georgia-ს თანამშრომლები დაგვეხმარნენ.

დაკვირვების პროცესი ძალიან აზარტული აღმოჩნდა და ფრინველების რამდენიმე ნაირსახეობა ვნახეთ.

ველომოყვარულებმა “ჩიტმოყვარულებისგან” საჩუქრებიც მიიღეს.

თბილისში მშვიდობიანად, სიახლით, ბუნებასთან და ერთმანეთთან კონტაქტით გაბედნიერებულები დავბრუნდით!