პარიზი-რუბე 1994: საგზაო ველოსიპედის ამორტიზაცია

სურათის წყარო: pezcyclingnews.com

“ჩრდილოეთის ჯოჯოხეთი” ყოველთვის ცნობილი იყო სირთულეებით, მაგრამ 1994 წელს სრული ქაოსი სუფევდა - ტექნიკური თვალსაზრისითაც კი.

პარიზი-რუბე -ს ხსენებაზე გაგონდება: მტვერი, ტალახი, გატეხილი ველოსიპედის რკალები და დალეწილი სახეები, რომლებიც ძველ ქვაფენილზე იბრძვიან პირველობისთვის. მაგრამ 1994 წელს საქმე მხოლოდ ადამიანის გამძლეობაში არ იყო – ეს იყო ინჟინრების ერთგვარი გამოწვევა და ექსპერიმენტი.

შუა 90-იანებში პარიზი–რუბე იქცა არაორდინალური იდეების საცდელ არენად. ცნობილი "pavé" მონაკვეთები, განსაკუთრებით Carrefour de l'Arbre და Arenberg, იმდენად დაუნდობელი იყო, რომ სპორტსმენები და ინჟინრები იძულებულნი გახდნენ ეპოვათ კომფორტისა და კონტროლის უკეთესი გზები. გადაწყვეტილება? ამორტიზაცია.

Johan Museeuw -ის სრული ამორტიზაციით აღჭურვილი  Bianchi (გერმანია)

Museeuw, იმ დროის ვარსკვლავი, მონაწილეობდა სრული ამორტიზაციით აღჭურვილი Bianchi-ის ველოსიპედით, რომელსაც უკანა ნაწილში სპირალური ზამბარა ჰქონდა. მიზანი იყო: ქვაფენილზე უკეთესი კომფორტი და კონტროლი. თუმცა, გეგმა ჩაიშალა - რბოლის დროს ჩარჩო გაებზარა და რბოლა ვერ დაასრულა.

Greg LeMond -ის ტიტანის ველოსიპედი (ა.შ.შ)

LeMond სტარტზე გამოვიდა ტიტანის Clark-Kent-ის ჩარჩოთი, რომელსაც ჰქონდა RockShox-ის წინა ამორტიზატორი და უნიკალური უკანა დემფერი 2 ინჩიანი სვლით. დამატებით, საჭეზე დამონტაჟებული ჰქონდა მართვის ღილაკი, რომლითაც ამორტიზაციას მართავდა მოძრაობის დროს. ტექნოლოგიურად ის დროს უსწრებდა.

Gilbert Duclos-Lassalle -ი RockShox -ის ამორტიზატორით (საფრანგეთი)

Duclos-Lassalle - ორგზის ჩემპიონი, მის ველოსიპედზე RockShox-ის წინა ამორტიზატორი ეყენა, თუმცა 1994 წელს საბურავის გახეთქვამ შანსი წაართვა. მაგრამ მან უჩვენა ყველას, რომ ამორტიზაცია მხოლოდ ახირება არ იყო – მას რბოლის მოგებაც შეეძლო.

Andrei Tchmil - გამარჯვებული (მოლდოვა)

სანამ სხვები ექსპერიმენტულ ტექნიკას ცდიდნენ, მან აირჩია დაბალანსებული ვარიანტი: Tchmil-ის ველოსიპედი აღჭურვილი იყო მხოლოდ წინა RockShox-ის ამორტიზატორით, რამაც შესაძლებლობა მისცა, ფინიშამდე 67 კმ-ით ადრე, სოლო შეტევა განეხორციელებინა. ამ ტაქტიკის შედეგად ის გამარჯვებული შევიდა რუბეს ველოდრომზე.

1994 წელი იქცა ერთ-ერთ ყველაზე გამბედავი ტექნოლოგიური ცდების წელიწადად. ამორტიზატორები მალე გაქრა პროფესიონალური საგზაო რბოლებიდან – ისინი მძიმე, კომპლექსური და არაპროგნოზირებადი აღმოჩნდა. მაგრამ იმ წლის გამოცდილებამ წარმოშვა დღევანდელი ველოსიპედების კომფორტი: ჩარჩო ამორტიზაციით და ფართო საბურავები.

1994 წლის პარიზი-რუბე არ იყო უბრალო რბოლა – ეს იყო იდეების ბრძოლის ველი და ერთ-ერთი ყველაზე დასამახსოვრებელი წელი ველოსპორტის ისტორიაში.