10 რჩევა დამწყები ველომოყვარულებისთვის

ველოსიპედით სიარული შესანიშნავი გზაა ჯანმრთელობის გაუმჯობესებისთვის, ახალი ადგილების აღმოჩენისთვის და უბრალოდ სიამოვნებისთვის. თუმცა, თუ ახლახანს დაიწყეთ, ყველაფერი ცოტა რთულად მოგეჩვენებათ. არ იდარდოთ!

ეს 10 რჩევა,  დაგეხმარებათ სასიამოვნო, თავდაჯერებული და უსაფრთხო გადაადგილებაში:

1. აირჩიეთ სწორი ველოსიპედი

ველოსიპედები განსხვავდება მონაცემების მიხედვით და სწორი არჩევანი ძალიან მნიშვნელოვანია.

• საგზაო ველოსიპედი – მსუბუქი და სწრაფი, შესანიშნავია გრძელ მანძილზე, ასფალტზე გადაადგილებისთვის.
• მთის ველოსიპედი – შექმნილია გრუნტის გზის, ქვიანი და უსწორმასწორო რელიეფისთვის.
• ჰიბრიდული ველოსიპედი – იდეალურია ქალაქში და საქალაქთაშორისო, დაუზიანებელ გზებზე სამოძრაოდ.

ყველაზე მთავარი – ველოსიპედი უნდა იყოს თქვენი ზომის. არასწორი ზომის ველოსიპედი დისკომფორტს და ტკივილს გამოიწვევს. სჯობს, მაღაზიაში პროფესიონალი მორგებაში დაგეხმაროთ.

2. შესაბამისი აღჭურვილობა კომფორტის და უსაფრთხოების საწინდარია

სწორი აღჭურვილობა მნიშვნელოვანია: 

• ჩაფხუტი: ყველაზე მნიშვნელოვანი უსაფრთხოების ატრიბუტია.
• სპეციალური შორტები: ბალიშიანი შორტები ზრდის კომფორტს ხანგრძლივი გადაადგილების დროს.
• ხელთათმანები და სათვალე: იცავს ხელებს წაქცევისას და თვალებს მტვრისა და მზის სხივებისგან.
• კაშკაშა ან ამრეკლი ტანსაცმელი: გეხმარებათ იყოთ უკეთ შესამჩნევი საგზაო მოძრაობის სხვა მონაწილეებისთვის, განსაკუთრებით საღამოს საათებში.
• ფანარი და უკანა ციმციმა: გაზრდის თქვენს ხილვადობას და ასევე უკეთ შესამჩნევი იქნებით.

არ გჭირდებათ პროფესიონალური აღჭურვილობა დასაწყისში, მაგრამ რამდენიმე მნიშვნელოვანი ელემენტი თქვენს კომფორტს მნიშვნელოვნად გაზრდის.

3. ისწავლეთ ველოსიპედის ელემენტარული მოვლა

კარგად მოვლილი ველოსიპედი უფრო უსაფრთხო და კომფორტულია გადაადგილებისას

• შეამოწმეთ წნევა საბურავებში – დაბალი წნევა ზრდის წინაღობას და გადაადგილებას მეტი ენერგია მიაქვს.
• დაზეთეთ ჯაჭვი – სუფთა და დაზეთილი ჯაჭვი თავიდან აგაცილებთ მის დაჟანგვას, უსიამოვნო ხმაურს გადაადგილების დროს. 
• ისწავლეთ საბურავის მოხსნა/დაყენება – გზაში, თუ საბურავი გაგისკდათ, ეს ცოდნა დაგეხმარებათ.

თითოეულ გასვლამდე:

• შეამოწმეთ მუხრუჭები.
• შეამოწმეთ საჭე (არ უნდა იყოს მოშვებული)

4. დაიწყეთ ნელა და გაზარდეთ გამძლეობა

თუ ახლახანს დაიწყეთ ველოსიპედით სიარული, ნუ ეცდებით ერთბაშად დიდი მანძილის გავლას.

• დაიწყეთ მოკლე და მსუბუქი გასეირნებებით – 15-20 წუთიც კარგი დასაწყისია.
• თანდათან გაიუმჯობესეთ დრო და მანძილი - როცა მზად იქნებით.
• იპოვეთ თქვენთვის კომფორტული ტემპი – თავიდანვე სიჩქარე არ არის საჭირო.

ველოსიპედით სიარული უნდა იყოს სასიამოვნო.

5. დაიცავით საგზაო წესები

• იმოძრავეთ მოძრაობის მიმართულებით – არასოდეს იაროთ მოძრაობის მიმართულების საწინააღმდეგოდ.
• გამოიყენეთ ხელის სიგნალები – მძღოლებმა და სხვა ველომოყვარულებმა უნდა იცოდნენ, მოხვევას ხომ არ აპირებთ
• იყავით ფხიზლად – არ გამოიყენოთ ყურსასმენები მოძრაობის დროს.
• მოერიდეთ მანქანის კარების გაღებას – ხშირად, განსაკუთრებით ქალაქში, როცა მგზავრი ან მძღოლი მანქანიდან გადმოდის, ყურადღებით არ არის და კარს რომ აღებს, შეიძლება დაეჯახოთ. ამიტომ, სულ დისტანციით უნდა ჩაუაროთ

წინასწარი მზადყოფნა და სიფრთხილე უსაფრთხოების გარანტიაა.

6. დალიეთ წყალი და შეარჩიეთ სწორი კვება

ველოსიპედით სიარული ენერგიას მოითხოვს, ამიტომ ჰიდრატაცია და სწორი კვება მნიშვნელოვანია.

• რეგულარულად დალიეთ წყალი.
• ხანგრძლივი მგზავრობებისთვის წაიღეთ მსუბუქი საკვები, როგორიცაა ბანანი, თხილი ან ენერგეტიკული ბარები.
• მოერიდეთ მძიმე საკვებს მგზავრობამდე.

7. სიჩქარეების გადართვა და სხეულის სწორი პოზიცია

სწორი პოზიცია და გადამრთველების გამოყენება მნიშვნელოვნად ამცირებს დაღლილობას.

• მკერდი და მხრები თავისუფლად უნდა გქონდეთ, იდაყვები ოდნავ მოხრილი.
• გადართეთ სიჩქარე სწორად – წინასწარ აღმართამდე, რათა ფეხები ზედმეტად არ დაიტვირთოს.
• სკამის სწორი პოზიცია - მუხლს თითქმის ბოლომდე უნდა შლიდეთ პედლის ქვედა პოზიციის დროს.

8. შეუერთდით ველო საზოგადოებას

• გამოცდილ ველომოყვარულებთან ერთად სიარული დაგეხმარებათ ახალი უნარების განვითარებაში.
• გაიცნობთ ახალ ადამიანებს და ისწავლით ახალ მარშრუტებს.
• ისიამოვნებთ გუნდური გადაადგილებით, როცა ნაკლებად ხარ დაძაბული და შეგიძლია, უბრალოდ სხვებს გაყვე, არ შეამოწმო მარშრუტი და ა.შ.

9. თვალი ადევნეთ თქვენს პროგრესს და დასახეთ მიზნები

ჩაიწერეთ თქვენი აქტივობები, თვალი ადევნეთ მიღწევებს - ეს დაგეხმარებათ მოტივაციის შენარჩუნებაში.

• გამოიყენეთ აპლიკაციები, როგორიცაა - Strava, Komoot ან  სხვა.
• დასახეთ პატარა მიზნები – მაგალითად, ყოველკვირეული მანძილის გაზრდა.

10. ისიამოვნეთ გადაადგილების პროცესით

ველოსიპედით სიარული მხოლოდ სიჩქარე და მანძილი არ არის – ეს სიამოვნებაა.

• აღმოაჩინეთ ახალი მარშრუტები ბუნებაში
• იარეთ თქვენს რიტმში, არ შეეჯიბროთ სხვებს.
• ისიამოვნეთ თავისუფლებით და ახალი შთაბეჭდილებებით.

არასოდეს დაივიწყოთ მთავარი – ველოსიპედით სიარული უნდა იყოს მხიარული და სასიამოვნო!