თბილისიდან მესტიაში ზამთრის ველოტური ჩემთვის ნამდვილი თავგადასავალი აღმოჩნდა: შუადღით დავიძარი და მეექვსე დღეს, გორის, ხარაგაულის, ზესტაფონის, ქუთაისის, წალენჯიხისა და ენგურჰესის გავლით მესტიაში ავედი. გზად ხან მზიანი ამინდი მქონდა, ხან ძლიერ წვიმა, სიცივე, ბევრი აღმართი და მიტოვებული ძაღლი. ზოგჯერ სხეულს ვუსმენდი და ტემპს ვანელებდი, ზოგჯერ კი დაღამებამდე ვაგრძელებდი სვლას. ამ გზამ კიდევ ერთხელ დამარწმუნა, რომ საკუთარი თავისთვის ყველაზე კარგი საჩუქარი სწორედ ველო მოგზაურობაა.
გაიცანით მარიკა მაისურაძე — ისტორიკოსი-ეთნოლოგი, ხელოვანი, მასწავლებელი და დედა, რომელიც ყოველდღიურად მოძრაობს ველოსიპედით თბილისში. წაიკითხეთ მისი გამოცდილება, რჩევები და ინსპირაცია.
