ურბანული დიზაინის ვორკშოპი

როგორ შეიძლება ქალაქი გახდეს უფრო კომფორტული, ინკლუზიური და ორიენტირებული ყველა ადამიანის საჭიროებაზე?

ინტერაქციული ვორქშოფის ფარგლებში მონაწილეები ქალაქს ფეხით მოსიარულეებისა და ველოსიპედისტების თვალით შეხედავენ. თეორიული სესიის შემდეგ ისინი დააკვირდებიან და შეისწავლიან რეალურ ურბანულ სივრცეებს, გამოავლენენ არსებულ პრობლემებს და შეიმუშავებენ შემოქმედებით იდეებს უფრო მდგრადი და ადამიანზე მორგებული გარემოს შესაქმნელად.

პროგრამა სამი ნაწილისგან შედგება:

• შესავალი და დისკუსია — 60 წუთი
• დაკვირვება და პრობლემების გამოვლენა — 90 წუთი
• ურბანული ლაბორატორია და გადაწყვეტების შემუშავება — 120 წუთი

ვორქშოფის განმავლობაში განვიხილავთ სატრანსპორტო და საგზაო პრობლემებს, საჯარო სივრცეების მდგომარეობას, გარემოს დაბინძურებას, ქალაქის პრივატიზაციას, ხელმისაწვდომი საცხოვრებლის ნაკლებობას, მიტოვებულ შენობებსა და სხვა ადგილობრივ გამოწვევებს.

ვორქშოფს გაუძღვება ოსამუ ოკამურა — არქიტექტორი, ურბანისტი, ლექტორი და ჩეხეთის ცენტრი თბილისის დირექტორი, წიგნის “City for Everyone: A Manual of Urbanism for Beginners” ავტორი.

მონაწილეობის წინაპირობა:

მსურველებმა უნდა გამოაგზავნონ CV და მოკლე სამოტივაციო წერილი, რომელშიც განმარტავენ, რატომ სურთ დასწრება. განაცხადები გამოაგზავნეთ ელფოსტაზე: info@ccn.ge

განაცხადის ბოლო ვადა: 31 აგვისტო
ადგილების რაოდენობა შეზღუდულია.
შერჩეულ მონაწილეებს მოგვიანებით დავუკავშირდებით.

ღონისძიების ნაწილი ღია ცის ქვეშ ჩატარდება, მათ შორის წვიმიან ამინდშიც. გთხოვთ, ჩაიცვათ ამინდის შესაბამისად და საჭიროების შემთხვევაში თან იქონიოთ ქოლგა.

ღონისძიება ორგანიზებულია ჩეხეთის ცენტრი თბილისის მიერ ადგილობრივ პარტნიორთან თანამშრომლობით. იგი ხორციელდება CYCLE UP! პროექტის ფარგლებში და თანადაფინანსებულია ევროკავშირის Creative Europe პროგრამის მიერ.